Los trenèls

« Los parents èran aubergistas e bochiás.
Fasiam de trenèls ambe de tripas de moton. Per los far còire, i metiam un pè de pòrc o de vedèl. E metiam un bocin de cambajon o de ventresca dins lo trenèl, de pebre, de sal, una grana d’alh, de fribola e de laurièr. Metiam una gota d’aigardent dins l’aiga o un pauc de vin blanc.
Fasiam aquò dins la brasa, davant lo fuòc. La nuèch, l’acaptàvem ambe de papiá de bochiá e lo metiam jos la placa. Barràvem ambe lo tirador jos la placa e se cosián coma dins un fom. Caliâ un brave soc que durava tota la nuèch. »