Las parets
Introduction
Lo trufe, la pèira negra et la dala, autrement dit le tuf, le basalte et le schiste, sont les matériaux de construction traditionnels du Barrez dont les maisons et les granges ont été, jusqu’au milieu du XXe siècle, recouverts de chaume.
On notera un mécanisme linguistique qui s'observe en Carladez : les finales en -ac sont modifiées en -at : Taussac - Taussat, Cussac - Cussat…
Ethnotexte
Henri FOURNIER
né en 1948 à Taussac.
Transcription
Occitan
Français
« Aicí, l’òm troba lo basalte, la pèira negra qu’apelan, lo trufe e la dala, lo schiste.
Taussat es sus la dala, sul schiste. I a una cocha de bart e, jos aquel bart, i a lo schiste.
La pèira negra, la talham pas bien, l’arrenjam un pèu a la massa, pas mai. Aquò’s lo trufe que l’òm talha, a la gulha e al cisèl. Lo trufe, aquò èra bèlcòp las chiminèias, les forns, les torns de fenèstras. Al mièg, aquò èra bèlcòp de basalta.
La dala, la fina, ne fasián las teuladas, èra de tèules grisas.
Autres còps, una pèira que sortiá de la paret, apelavan aquò un passant. Mai d’un m’aviá dit que aquò èra una pèira que fasiá la larjor de la paret pus aquò que sortiá. Caliá que lo proprietari, lo coarro, paguèsse un còp a beure.
Las parets fasián 80, 90, un mèstre. Aprèssa, après 1900, l’òm vei las parets que fasián 70 e, entre las doas guèrras, 60. Alèra, aquò’s 50, las parets. Ligavan al bart, i aviá pas qu’aquò. I aviá benlèu un pèu de calç grassa mès aquò èra rare. I aviá una carrièira de calç grassa a costat d’a Brocme e una autra a Taussat aicí. »
Taussat es sus la dala, sul schiste. I a una cocha de bart e, jos aquel bart, i a lo schiste.
La pèira negra, la talham pas bien, l’arrenjam un pèu a la massa, pas mai. Aquò’s lo trufe que l’òm talha, a la gulha e al cisèl. Lo trufe, aquò èra bèlcòp las chiminèias, les forns, les torns de fenèstras. Al mièg, aquò èra bèlcòp de basalta.
La dala, la fina, ne fasián las teuladas, èra de tèules grisas.
Autres còps, una pèira que sortiá de la paret, apelavan aquò un passant. Mai d’un m’aviá dit que aquò èra una pèira que fasiá la larjor de la paret pus aquò que sortiá. Caliá que lo proprietari, lo coarro, paguèsse un còp a beure.
Las parets fasián 80, 90, un mèstre. Aprèssa, après 1900, l’òm vei las parets que fasián 70 e, entre las doas guèrras, 60. Alèra, aquò’s 50, las parets. Ligavan al bart, i aviá pas qu’aquò. I aviá benlèu un pèu de calç grassa mès aquò èra rare. I aviá una carrièira de calç grassa a costat d’a Brocme e una autra a Taussat aicí. »
Pas de traduction pour le moment.
© Tous droits réservés Institut occitan de l'Aveyron
Localisation
Vous aimerez aussi...
En cours de chargement...