Les borriòus

« Aviam pas de cosinièira, aviam pas res dins lo temps, pas que lo fuòc de chiminèia. Metiam las endilhièiras, una granda padena amb una coeta lònga. Fasiam una pasta coma se voliam faire de pascadas mès un pauc pus espessa, ambe de blat negre, quauques uòus e d’ai(g)a o alara un pauc de lach. Aviam doas o tres vaquetas, metiam un bocin de lach, mès pas bien, que lo blat negre aima pas bien lo lach… Alara fasiam de platadas de borriòus. A poncha d’una forqueta, metiam un lardon e graissàvem la padena amb aquò. »