Lo canton

« Fasián a manjar. O fasián tot aquí sus aquel fuòc, aquí. Montavan la padena sus… aquò s'apelava las endelhièiras, en francés aquò s'apèla les servantes. De còps, pardí, tombava un bocin de suja dins la padena, mès aquò economisava lo pebre ! E quand desacaptavan l'ola, que fasián la sopa, aquò colorava un pauc lo bolhon de la sopa !
Aquí oui,aquò s'apèla un torn, aquò. Per pas se brutlar quand fa de fuòc, vira coma aquò per despenjar l'ola, per se pas brutlar alai sul fuòc. O alara, de còps, per tirar la padena de sul fuòc, aquò vira… Aquò's lo torn.
Lo còpa-fum èra pinjat aquí a-n-aquel… I a un lindal de boès, aquí, e davalava a pus près a quaranta centimèstres, aquí, tot lo lòng, aquí. E aquò èra per arrestar un pauc lo fum, que venguèssa pas tant dins la cosina, aquí.
E, cada annada, caliá ramonar un còp o dos aquelas chiminèias. Alara un montava sus la chiminèia amb un fais de boissonses e una còrda e un altre tirava en bas. Tirava lo fais en bas. Apièissa, bòn, o lo d'en nalt gardava una còrda e lo tornava tirar en nalt o alara sortiá defòra e tornava montar per l'escala e tornava far passar lo fais de boissonses per la chiminèia tres o quatre còps per la ramonar. Fasián coma aquò. »