L'aubèrja un jorn de fièira

« Mon paire aviá una pichona bòria de doas o tres vacas e avián lo comèrce.Ara aquò fa la quatrièma generacion. Fasián lo cafè e pièi mon paire, el, fasiá lo transpòrt coma lo grand-paire e avián un pichon depaus de blat. Anava a Orlhac.
Les jorns de fièira, aquò nos fasiá trabalhar.Nos caliá levar a cinc oras del matin per far la sopa al fromatge que aviam les merchands que començavan d’arribar de bona ora. Passaviam de las cebas dins de l’òli, a la padèla, copaviam lo pan e lo fromatge, de cantau, al darrièr moment i metiam un pèu de crèma e l’òm daissava confir un pèu. Fasiam una rengada de pan e una rengada de fromatge, de sau, de pebre. Passaviam las cebas, que tot lo monde aimava pas las cebas.
Fasiam un bal après, lo sera. A miègjorn fasiam 60 couverts, pas que de merchands o de monde del país. Al Mur, aquò èra pareil, atí aquò èra lo bal l’après-miègjorn e lo bal lo sera. »