Los Tornejaires de Sent-Ginièis

« Data de 82. Calguèt cercar lo nom, trimèron un pauc per lo trobar. Aquò's Bernard Aldebèrt de La Pomarèda que lo trobèt, Los Tornejaires. A las danças folcloricas s'i vira bravament, tornèjan.
Calguèt far de recèrcas e, cada ivèrn, ne fasèm totjorn. Calguèt avure una idèia de las figuras de las danças e dels costumes. Aquí avèm metut de colors un pauc pus vivas que dins lo temps.
Avèm 18 enfants, e 7 o 8 garçons. I sèm 48 pel moment, mès las femnas nos ganhan e encara se cal pas tròp plànger aicí.
De musiciens, n'avèm sèt : Aldebèrt jo(g)a de l'acordeon, Maurice Vaisset a l'acordeon, Rogèr Massabuòu del Cròs, Bernard Seguin a l'acordeon, Fabrice Cantagrelh de Sent-Adornin a l'acordeon. A la cabreta, avèm Marcèl Charrièr, lo curat de Verlac, e Milon Cavalièr d'Espaliu. El fa sustot la cabreta mès atanben acordeon.
Bernard Seguin met los esquilons al pè, o Vaisset.
Dins lo grope, totes parlam patoès.
Fasèm mai de cinquanta representacions per an. »