Nòu sòrres sièm…

« Repic :
Nòu sòrres sièm,
Totas nòu mal maridadas,
Nòu sòrres sièm,
Totas nòu mal maridadas sièm.

N’i aviá una de las unas,
Que son òme n’aviá una pruna,
Lo volián totas unas.

N’i aviá una de las doas,
Que son òme n’èra un piòt,
Se fotián d’el totas doas.

N’i aviá una de las tres,
Que son òme n’èra bles,
Lo lenguejavan totas tres.

N’i aviá una de las quatre,
Son òme la voliá batre,
Lo se paravan totas quatre.

N’i aviá una de las cinc,
Que son òme n'èra un lapin,
Lo sautavan totas cinc.

N’i aviá una de las sièis,
Que son òme n’èra grand coma un cirièis,
Li montavan dessús totas sièis.

N’i aviá una de las sèt,
Que son òme n’èra al let,
Lo lavavan totas sèt.

N’i aviá una de las uòch,
Que son òme n’èra un bruòg,
Lo remenavan totas uòch.

N’i aviá una de las nòu,
Que son òme n’èra tot nòu,
Lo volián totas nòu. »