Ère al camp que crebave de fam
Introduction
A l'image d'une grande partie de son répertoire, Paul Fric tient ce très beau conte énumératif de son grand-père maternel, François Poncet, né et décédé sur la commune de Saint-Hippolyte. (CORDAE)
Son
Paul FRIC
né en 1923 à Saint-Hippolyte.
Transcription
Occitan
Français
« Ère al camp que crebave de fam,
Anère trobar Madama,
Que me donèsse de pan.
Madama volguèt pas me donar de pan,
Sans que i bailèsse la clau.
Anère veire Mossur,
Que me bailèsse la clau.
Mossur me volguèt pas bailar la clau,
Sans que i bailèsse de la pluma.
Anère veire la busa,
Que me bailèsse de la pluma.
La busa volguèt pas me donar de pluma,
Sans que i donèsse de la carn.
Anère trobar lo vedèl,
Que me donèsse de la carn.
Lo vedèl volguèt pas me bailar de la carn,
Sans que i bailèsse del lach.
Anère veire la vaca,
Que me bailèsse del lach.
La vaca volguèt pas me bailar del lach,
Sans que i donèsse de fen.
Anère veire lo prat,
Lo prat me volguèt pas donar de fen,
Sans que li donèsse una dalhe per lo copar.
Anère veire lo fabre,
Que me bailèsse una dalhe.
Lo fabre volguèt pas me donar de dalhe,
Sans que i bailèsse del lard.
Anère veire lo pòrc,
Que me bailèsse del lard.
Lo pòrc volguèt pas me bailar del lard,
Sans que i bailèsse de l'angland.
Anère veire lo garric,
Que me bailèsse de l'agland.
Lo garric volguèt pas me bailar d'agland,
Sans que i bailèsse de vent per lo far tombar.
Anère veire la mar,
Que me fa(gu)èsse de vent.
La mar m'enventa, envente lo garric, lo garric m'englana, englane lo pòrc, lo pòrc m'enlarda, enlarde lo fabre, lo fabre m'endalha, endalhe lo prat, lo prat m'enfena, enfene la vaca, la vaca m'enlacha, enlache lo vedèl, lo vedèl m'encarna, encarne la busa, la busa m'empluma, emplume Mossur, Mossur m'enclava, enclave Madama, Madama me bailèt un pauc de pan e lo mangère plan ! »
Pas de traduction pour le moment.