Una cigala…

« Una cigala, lo bèl temps passat, (bis)
Lo bèl temps passat, una cigala,
Lo bèl temps passat,
N’aviá que cantat.

Ches sa vesina, se'n anèt un jorn, (bis)
Se'n anèt un jorn, ches sa vesina,
Se'n anèt un jorn,
Li diguèt : “Bonjorn !

Bonjorn vesina, cossí anatz-vos ? (bis)
Cossí anatz-vos, bonjorn vesina,
Cossí anatz-vos,
Amb los pichons ?

– E ben vesina, vau pas mal e vos ? (bis)
Vau pas mal e vos, paura vesina,
Vau pas mal e vos,
Amai los pichons ?

– Paura vesina, ieu crèbi de fam ! (bis)
Ieu crèbi de fam, paura vesina,
Ieu crèbi de fam,
Amai los enfants !

– Quand ieu glanavi, de qué fasiatz-vos ? (bis)
De qué fasiatz-vos, quand ieu glanavi,
De qué fasiatz-vos,
Amai los pichons ?

– E ben vesina, ne cantàvem dos, (bis)
Ne cantàvem dos, e ben vesina,
Ne cantàvem dos,
Amai los pichons.

– E ben vesina, ne cal dançar tres, (bis)
Ne cal dançar tres, e ben vesina,
Ne cal dançar tres,
E manjar pas res !” »