« Qu’es aquela clartat,
Qu’esclaira la campanha ?
Sètz vos, sus la montanha,
A… Diu de Majestat,
Qu’es aquela clartat ?

– Enfants, revelhatz-vos,
Una bona novèla,
A Betleèm apèla,
Los pastres d’alentorn,
Enfants, revelhatz-vos !

– Ai, ai, qu’avèm ausit ?
Qual canta amont dins l’aire ?
Qu’auriá mai poscut faire
La arpa de David ?
Ai, ai, qu’avèm ausit ?

– Laissatz vòstres motons,
Un temps preciós s’escola,
A Betleèm, en fola,
Anatz, despachatz-vos,
Laissatz vòstres motons !

– Qué pòt èstre arribat,
Que nos sònan dels astres ?
Aquò sètz vos, los pastres ?
De bèl o d’elevat,
Qué pòt èstre arribat ?

– Vos es nascut un Rei,
Alai dins un estable,
Un pichonèl aimable,
Qu’una grépia sosten,
Es mèmes vòstre Rei !

– S’èra pas vist jamai,
Un Rei naisser tant paure,
A pena podián claure,
Elses, dins un palais.
S’èra pas vist jamai !

– Anatz vos l’adorar,
Sens crénher l’uèlh que trompa,
N’a pas besonh de pompa,
Es filh de nòstre Diu ,
Anatz vos l’adorar !

– Angèl consolador,
Qu’es granda nòstra jòia,
Lo Senhor nos envòia,
L’aimable Salvador,
Angèl consolador.

– Amor, glòria al Senhor,
Sus Tèrra amor celèste,
Patz a tot òme prèste,
A s’enflamar d’amor,
Per servir lo Senhor.  »