Las fièiras de Muròus

« Nos fasián levar de bona ora, a tres oras del matin e caliá partir a travèrs bòsc, en aval i aviá de carrals per anar a la rota d’Entraigas. Èrem pas plan bèlses mès caliá anar ajudar que saiam pus lèstes, caliá anar arrestar las bèstias. I aviá de vacas, de borruts, de tot…
La fièira d’a Muròus aquò èra les pòrcs gras e pièi aquò èra la fèsta. I aviá de polits pòrcs, les menavan aval sus la plaça. 
Lo monde fasián la fogassa, portavan les saussissòts, la saussissa, les grautons, de fetge…
I aviá quatre bals a Muròus, venián de pertot, a pè. Les òmes o las femnas anavan menar les pòrcs e les autres arribavan darrièr, portavan lo cassa-crosta a miègjorn. Ieu auriái pas arrestat de tota la nuèt mès que, après, caliá tornar a pè… Quand n’i aviá qu’èran pintats jasián per las granjas e se retiravan lo lendeman matin. »