En gardent mos motons…

« En gardent mos motons,
Vese les aucelons,
Que nisan dos a dos,
E bresilhan d’amor,
La nuèch amai lo jorn,
La nuèch amai lo jorn.

Ieu soi soleta aicí,
Que me cal pas languir,
Luènh de mon pastorèl,
Que garda al puèg bèl,
Que garda al puèg bèl.

Aval lo long del riu,
Un mèrle a fach son niu,
Quora farai lo miu ?
De veire son bonur,
Me sente mal al cur,
Me sente mal al cur.

“Maire, maridatz-nos,
Volèm far coma vos,
Dison qu’aquò’s tan doç,
Vos avètz fach l’amor,
Ara aquò’s nòstre torn !
Ara aquò’s nòstre torn !” »