Les concors

« Les concors s’organisèron en 1897. Aquò èra un premièr sindicat de raça que assajèt de metre vas avant çò qu’apelariam uèi le standard de la race,la color, la conformacion, las patas, las banas… Disián : “Aquò d’aiquí aquò’s l’aubrac, en defòra d’aquò aquò’s pas pus l’aubrac.”
Per o far comprene, atropelavan çò que lor semblava èstre lo bestiau lo pus pròche del standardde la race.E fasián al pus fòrt, lo concors.
Aquò se fasiá a Laguiòla, a Rodés… A Rodés, avián mème organizat de concors de buòus d’Aubrac. Metián un pauc les buòus a tira-cavilha. Lor fasián tirar de cargas ! Èran farrats e los fèrres marcavan sul pavat. I aviá mème de buòus que, per demarar la carga, tombavan a ginolhs. De còps, les atauavan, se viravan lo cuol e cadun tirava de son costat, a-n-aquel que desencrocava l’altre… Aquò d’aiquí s’èra pas fach aiquí.
Après la guèrra, la raça comencèt a declinar e, los concors, pichon a pichon, se fasián traces. Les suprimèron en 1970-80. Tornèron partir ambe la raça. I agèt un plan de conservacion mès jo(gu)èt pas suls concors. Pièi i agèt lo plan de reviscòl de la raça e aiquí les concors tornèron prene. Aquò’s aiquí que se montèt l'estacion de testatge dels melhors mascles de l’annada, totes atropelats ensemble, estudiats, mesurats, comparats, e aquò’s d’aiquí que part çò qu’apelan lo plan de seleccion.
Mès les concors an una fonccion de comunicacion. Les melhors ganhan e cadun assaja d’èstre lo melhor classat. Mès cau dire que, en 2001, aquelses que s’interessan a l’Aubrac son un brave tropèl de mai que çò que èran en 1980. »