Los vedèls blancs per la fièira

« A La Sauvetat, fasián un vedèl de 200 quilòs per París. Me soveni del prumièr Italien que venguèt sus la fièira de La Sauvetat en 50-52. Los merchands del país disián : “Vos pagarà pas.” Pagava pus car !
Lo vedèl sortiá pas jamai. Al negre, perque fasián lo vedèl blanc a l'epòca. E caliá pas que mangèsse de palha, n'i aviá que los muselavan o qu'avián de secrets, que lor balhavan d'uòus o d'afars coma aquò per que la carn tombèssa pus clara, pus tendra. Se òm vòl far un bon vedèl d'Avairon i a de temps a i passar. »