Los lops, los chins e los colars

« Autres còps i aviá de lops e sabètz que los fusilhs èran pas de bona portada… Podián pas gaire caçar los lops. Alara avián dos chins que, a totes dos, trapavan los lops, los tuavan mès caliá que seguèsson totes dos.
Alara n’i aviá un a Marlavanhas e un autre ches los Agrandeses a Sent-Andriu, que aquò èra de familhas un pauc nòblas. Chacuna aviá son chin e, quand volián anar tuar un lop, prenián aqueles dos chins e li metián un colar ambe de poentas al torn del còl, coma aquò lo lop los podiá pas atrapar.
Alara un jorn n’i a un que se destaquèt d’aqueles chins, aviá pas lo colar. Partiguèt dins los bòsces e anèt caçar los lops. Mès lo tornèron pas veire… Los lops lo tuèron. »