Aval, al fons del bòsc (Chantez rossignolet)

« Aval, al fons del bòsc,
I a una clara fontena, (bis)
Chantez rossignolet,
Aval, al fons del bòsc,
I a una clara fontena.

Vos i cal pas anar,
Amb una jovenèla,
Chantez rossignolet,
I vos cal pas anar,
Amb una jovenèla.

I se’n venon passejar,
Tres gentas domaisèlas,
Chantez rossignolet,
I se’n venon passejar,
Tres gentas domaisèlas.

La plus bèla de tres,
Fialava conolheta,
Chantez rossignolet,
La plus bèla de tres,
Fialava conolheta.

A tombat son fusèl,
Dins la clara fontena,
Chantez rossignolet,
A tombat son fusèl,
Dins la clara fontena.

Lo filh del rei entend,
Promptament lai davala,
Chantez rossignolet,
Lo filh del rei entend,
Promptament lai davala.

Ne sia(gu)èt pas a mièja-font,
Que cridèt : “Ieu me negui !
Chantez rossignolet,
Ne sia(gu)èt pas a mièja-font,
Que cridèt : “Ieu me negui !

E dòna-me la man,
Te donarai la meuna,
Chantez rossignolet,
E dòna-me la man,
Te donarai la meuna !

– Ma man n’es pas per tu !
Li respondèt la bèla,
Chantez rossignolet,
Ma man n’es pas per tu !”
Li respondèt la bèla.

E l’autre demorèt,
Dins la clara fontena,
Chantez rossignolet,
E l’autre demorèt,
Dins la clara fontena.

Lo filh del rei es mòrt,
Per una domaisèla,
Chantez rossignolet,
Lo filh del rei es mòrt,
Per una domaisèla.

Ne farai pas ieu aital,
Tan polida que siasque,
Chantez rossignolet,
Ne farai pas ieu aital,
Tan polida que siasque.»