Aval luènh de la riba

« Aval, luènh de la riba,
I a una prada a dalhar,
La còla que i arriba,
Se met a trabalhar.

Benoet traça la pista,
Laurenç lo sèg al ras,
Darriès Baptista,
Buta que butaràs.

Aval, per l’aubièira laugièira,
Coma un fum,
Margotonèl arriba,
Pòrta lor endejunh.

Mia, que sètz polida,
Li dison totes tres :
“Se vos plai per la vida,
De naltres causiretz.”

Margotonèl replica :
“Tornarai a miègjorn,
Aquel que melhor pica,
Serai siá per totjorn.”

Sus l’erbeta assetada,
Los agacha picar,
Benoet tusta sa dalha,
Pim-pam ! ambe lo martèl.

Laurenç tusta sa dalha,
Pim-pam ! ambe lo martèl,
E Baptiston tusta sa dalha,
Pim-pam ! ambe lo martèl,
Doçamenton trabalha,
Ganhèt Margotonèl. »