Las vinhas del país bas

Collecté en 1992 par IOA Sur la Commune de Camjac Voir sur la carte
J'apporte des précisions ou
je demande la traduction >

Introduction

On se louait al país bas pour travailler dans les vignes.

C'était sans doute le principal débouché pour la main d'œuvre qui était employée surtout pour la taille et pour les vendanges. Des habitués, plus ou moins spécialisés, recrutaient des équipes et formaient des còlas de trente à cent personnes qui migraient vers un même secteur.

Ethnotexte

Albert IMBERT

né en 1938 à Frons de Camjac. Du Lac Blanc de Camjac.

Transcription

Occitan
Français
« Lo menaire fasiá una còla de quaranta personas, de quatre cobles. Al coble, i a los copaires, dos portaires e un cachaire. Aquò fasiá onze personas per coble. 
Partissiam los prumièrs jorns de setembre, del prumièr al uèch, e i demoràvem vint-a-cinc jorns, a Capestang. 
Comencèri a catòrze ans. Las doas primièiras annadas i anèri per copar. Après, a setze ans, i anèri per portar. Sièis ans, i anèri. 
Après la guèrra, n'i aviá un tropèl, de còlas, que i anavan. 
Cambiàvem tres còps de tren. 
Los copaires, nos noirissián. A miègjorn, nos balhavan la sopa e lo ser nos balhavan un plat de legumes e çò autre èrem nautres que o fasiam. Aviái una vesina que o fasiá per ieu, alucava lo fuòc, quauque tròç de salsissa manjàvem.
Los portaires, èrem pagats mai, nos noirissián.
D'aicí preniam d'uòus, de trufets, de tot çò que se pòt prene : quauque bocin de salsissa, de salat, de cambajon, dependiam d'aquò. 
Aval, las femnas cercavan d'ensaladas per las vinhas, i aviá una espeça d'èrba grassa que ne fasián d'ensalada. 
Lo pan, lo crompàvem, e lo vin l'aviam a volontat. 
Passàvem de bon temps. Manjàvem de rasims. 
E las panièiras que preniam plenas, las tornàvem montar plenas de rasims.
Lo darrièr jorn, causissiam los rasims, los metiam dins las doas panièiras e, lo abilhaments, los fotiam dins una saca. Aquò fasiá partida de las condicions de la vendémia. »

Pas de traduction pour le moment.

© Tous droits réservés Institut occitan de l'Aveyron

Localisation

Vous aimerez aussi...

En cours de chargement...