La Barraca de Fraisse

« Mon grand-paire èra nascut aicí.
Dabans 1850 i aviá d’ostals que èran bastits lo long del camin grand e aquò s’apelava Ramassòl. Lo cap de La Barraca, èra Ramassòl, tres ostals, tres aubèrjas ambe de remesas. La Barraca de Fraisse, aquò èra un ostal. De tot aquò fa(gu)èron La Barraca.
I aviá de remesas per desatalar las ègas e lor balhar a manjar e a biure. N’i aviá que èran pagats per aquò. Èran pagats per l'aubèrgista e ramassavan de bravas estrenas del proprietari de l'èga. Aquò èra los riches que avián una èga. Los autres venián amb un parelh de vacas mès las vacas èran pas remesadas. »