Camin de vida # La Barraca
Introduction
-- Operacion PAÍS Ségala 2021 / Baraqueville --
Témoignages, tranches de vie, histoires, savoir-faire...
En 2021, l'équipe de l'Institut occitan de l'Aveyron a parcouru le Ségala à la rencontre de près de 300 Ségalis.
-- Operacion PAÍS Segalar 2021 / La Barraca --
Testimoniatges, tròces de vida, istòrias, saupre-far...
En 2021, la còla de l'Institut occitan d'Avairon s'es passejada sul Segalar al rescontre de gaireben 300 Segalins.
Vidéo
Christian ANDRIEU
né en 1954 à Toulouse. De Sébazac-Concourès.
Transcription
Occitan
Français
« Es un pauc long, aquò. Soi estat regent dins Avairon pendent dètz ans, puèi conselhièr pedagogic per la musica. Disi aquò perque es un pauc diferent de l’occitan, i èra aquí ja dedins. E puèi soi professor retirat, ara, dempuèi cinc ans e soi estat doncas professor pendent setze ans a La Barraca de Fraisse.
Soi nascut a Tolosa e ai de parents avaironeses, es a dire que las originas, las raiças, son d’Avairon, son de Roergue. Son estat… enfin… forçats d’arribar a Tolosa per causa del trabalh. Vaquí, ausissiái la lenga, aicí, en Avairon, mai que mai, la lenga que coneissi, es aquela. A Tolosa, s’ausissiá pas gaire, vaquí. Bon, en gròs.
– E la familha, end èra en Avairon ?
– Alara, la familha… Al ras de Rodés... Lo grand-paire, de Luc, lo grand-paire de mon paire, enfin lo paire de mon paire, pairal doncas, e del costat de ma maire, Lo Pas, comuna de Druèla… Vaquí es un pauc… es a costat tot aquò.
– E fa qu’avètz totjorn ausida la lenga ?
– Alara… L’ai totjorn ausida. Pas a l’ostal, pròche, los parents parlavan pas pus la lenga. A Tolosa, aquò se fasiá pas, nimai entre eles. Per contra, cada còp que veniái en vacanças aicí, ausissiái la lenga, dins lo vilatge, dins la familha. Las tatàs, los oncles, los grands-parents... que nos parlavan pas a nautres, enfants, los dròlles, mès que parlavan entre eles. Doncas aquò, òc, l’ai totjorn ausida.
– E lo caminament per venir professor d’occitan ?
– A... bon, es un azard, es un azard, perque quand èri pichon, disián, enfin tot lo monde disiá aquò, disián « lo patoès », donc per ieu èra pas una lenga, perque nautres la parlàvem pas, ensajàvem pas quitament de la parlar, èra benlèu pas interdich, mès èra quicòm de josentendut. Nautres, aquò, èra pas possible per nautres.
Doncas, lo caminament, una mena de… de revelacion, se se pòt dire. Rapidament, quand arribèri en sièisena a Tolosa, comencèri d’aprene l’anglés coma tot lo monde, e aquí èri content perque me disiái : « Ara, sauràs parlar doas lengas. » E dins mon cap, i aviá... Pensavi en francés a l’epòca, mès o vos disi en occitan ara ! Me disiái : « Bon, mès i a lo patoès, tanben. Bon, mès lo patoès es pas una lenga. » Aquí pas mai.
Quand aprenguèri l’alemand en quatrena, meteissa causa, e puèi arribèri en terminala al licèu Pèire de Fermat a Tolosa, licèu que i aviá pas que de dròlles, de garçons, encara a l’epòca, quicòm de classic, enquadrat, tot çò que cal per aprestar a venir veterinari, ingenhor, eca… Sai pas perqué, a-z-un moment, qualqu’un venguèt dins la classa per far una anóncia e diguèt (en francés, de segur) : « Se volètz, podètz sègre un cors d’occitan. » Ieu aviái pas jamai ausit lo mot « occitan ». Bon, aquò me disiá pas res... Lo dijòus, a cinc oras o a sièis oras. A l’epòca, lo dijòus après-miègjorn, trabalhàvem pas. Sai pas perqué, me calguèt tornar a l’ostal puèi tornar al licèu a sièis oras, e aquí anèri al primièr cors d’occitan. La revelacion ! Çò que s’apèla… enfin bon, parlem pas de religion, mès la revelacion perque aquí comprenguèri. Me diguèri : « Segur, lo patoès es l’occitan. » Comprenguèri, compreniái tot. Aprenguèri a legir pro rapidament, a parlar tanben… Benlèu pas coma ara, segur... E puèi aquí, passèri lo bac… Enfin, l’opcion del bac amb aquò, me portèt de punts, m’enfin bon… Mès aquí, me sentissiái d’aise.
Puèi quand arribèri per far regent aicí en Avairon, una mena de tornar, de retorn a las originas, aquí, encontrèri de monde que parlavan, de joves, de vièlhs e comencèri de parlar. Alara, escarraunhavi la lenga un pauc, mès fa pas res, bon...
Aviái integrada la vergonha dels grands, dels oncles, de las tantas, mès aquò m’agradava talament que vaquí… E puèi, me diguèri, coma ensenhaire, que la malconeissença qu’aviái, coma transmetiái de causas als dròlles, la podiái pas far durar. E doncas, tanlèu que ensenhèri de causas en istòria, diguèri als dròlles : « Aicí, i a una lenga, i a l’occitan. » E me rapèli, èri a Colombièrs, e aquí i aviá encara de dròlles que banhavan dins l’occitan, parlavan pas occitan, mès banhavan e aquí lo corrent passèt, encara un còp. Doncas lor fasiái far d’activitats en occitan : de teatre, una pagina del jornal escolar, vaquí.
E puèi, un còp conselhièr pedagogic per la musica, integravi la lenga ambe las cançons, tot simplament. E a cada còp, ensenhavi e ensajavi de far passar la coneissença d’aquò. Per èsser pas dins lo cas que ieu i me trobèri quand èri pichon.
Après, causiguèri, podiái cambiar de mestièr, enfin totjorn dins l’Educacion Nacionala, mès coma i aviá la licéncia d’occitan, lo CAPES d’occitan, i me lancèri dedins : a licéncia a Montpelhièr, lo CAPES, bon, es un CAPES nacional. E, a cambiar de mestièr… Èri conselhièr pedagogic, bon, es una situacion pro bona e que m’agradava mès, a cambiar de mestièr, me diguèri : « Te cal anar en seccion bilingüa. Es aquò que val lo còp, de desvelopar quicòm que nautres auriam pogut desvelopar... Lo monde, los ensenhaires, l’Educacion Nacionala aurián pogut desvelopar : nos far venir bilingües. » E doncas aquí, coma i aviá aquela oportunitat, ieu me diguèri : « Es aquò que te cal far. »
Doncas, voliái anar a la seccion bilingüa de La Barraca qu’existissiá pas mès que ieu, entre verguetas, montèri, enfin, comencèri… la seccion bilingüa comencèt ambe ieu e i demorèri duscas a la retirada. Setze ans, es aquí, lo camin.
– E lo bilingüisme a l’escòla, a Sent-Africa, aviá començat bravament pus lèu ?
– Òc, lo bilingüisme a Sent-Africa. Foguèt la primièira seccion bilingüa d’Avairon, aviá ja començat.
– E vos, èra en quna annada ?
– Alara, comencèri a La Barraca en 2000. En 2000 exactament. Sabiái qu’aquò existissiá, sabiái que i aviá un pòste a La Barraca perque i aviá la seccion bilingüa de La Primauba. Es aquò que voliái far.
– A Sent-Africa, èra a pus près dètz ans abans.
– Exactament, dètz ans. E a-z-Albi tanben.
– A… Albi...
– Perque me rapèli a la debuta, quand comencèri la seccion bilingüa de La Barraca, festejavan los dètz ans de Sent-Africa e d’Albi.
– Nos avètz parlat de « patoès » es que nos podètz dire de qué vòl dire aquel mot de « patoès » ?
– Alara... « patoès ». Aquí, çò que disi, aquò’s pas scientific, es mon sentit a ieu e puèi un pauc mès coneissenças. Alara, a ma coneissença, lo mot « patoès » existís pas enluòc mai qu’en França. Es un mot qu’es estat, per ieu, inventat per desgalhar totas las lengas de França. Perque, al moment de la Revolucion, caliá… – compreni aquò, compreni la demarcha – caliá que tot lo monde comprenguèsson (aquí i a un imperfach del subjonctiu), caliá que tot lo monde comprenguèsson la lenga, lo francés, las leis, e doncas caliá que tot lo monde poguèsson ausir e parlar la lenga. A la debuta de la Revolucion, los revolucionaris editavan las leis – aquò durèt pas longtemps – editavan las leis dins totas las lengas regionalas, dins totes los parlars, disián. Èra ja mendre de dire « parlars » que de dire « patoès ». E a la fin, bon vertat qu’es un pauc complicat, a la fin, diguèron : « Non, ara es lo francés que se deu impausar. » E per aquò, qualqu’un, o faguèt exprès o pas, sabi pas, inventèt lo mot « patoès » per desvalorizar la lenga… Es aquò.
E alara, i a de monde que prenguèron aquò, d’autres mens, d’autres... Per exemple en Bretanha, pensi que gardèron lo mot « breton », ne soi pas segur. En tot cas, en çò nòstre aquò fonccionèt. Lo mot « lenga d’òc » èra mai o mens utilizat, foguèt longament utilizat en Provença. L’utilizan encara çaquelà. Mès après, en çò nòstre « patoès, patoès, patoès » e doncas qualqu’un que parla un « patoès » es qualqu’un que val pas res. Es pas una lenga, es pas una lenga e doncas… E aquí es tota la fòrça de la supression de las lengas regionalas : metre al dintre de cada individú lo sentiment que çò que ditz val pas res e que doncas lo cal abandonar. E que doncas lo cal pas parlar, lo cal pas transmetre, lo cal pas dire als enfants ! E Diu sap que los parents faguèron aquel esfòrç...
– De qu’aquò vos fa quand qualqu’un vos parla del « patoès » e que vesèm ben qu’aquò’s un pauc per eles un mot un pauc afectuós ?
– Vertat ! Aquò es vertat. Quand èri jove, que me lancèri dins l’occitan, èri un pauc dur, un pauc sectari doncas, cada còp que qualqu’un disiá « patoès », ieu, rectificavi, disiái : « Non ! » Disiái : « Cal dire occitan ! » E puèi, a l’ora d’ara, aquò me fa pas pus res e pòdi dire soi vengut professor d’occitan mès sabètz, si, professor de « patoès » ! E aital l’afectivitat i es encara. Ara la preni en compte.
– Vesèm que lo monde dison : « Nautres, parlam patoès e, vos, parlatz occitan. » Es que pensatz que, per eles, dins lor agach, l’occitan es devenguda una lenga d’intellectuals ?
– Aquò, pensi, òc ben ! La miá tatà disiá aquò : « Nautres, parlam patoès e puèi, sabes, sabèm pas tròp çò que parlam ! » Aviá plan integrada l’idèia de « patoès ». « Mès tu parlas occitan… » E ausissiái una diferéncia. Lo monde ausisson la diferéncia. Exactament pensan aquò.
Alara aquò foguèt una mena de lucha, per ieu. De dire : « Qu’es aquò que fa la diferéncia ? Qu’es aquò que fa que, nautres que disèm que parlam occitan, que avèm reconquistat una lenga, cossí se fa que i a aquela diferéncia ? Cossí podèm nautres dire : mès non, es una contunhacion e contunham de parlar patoès ambe tota l’afectivitat. » Aquò es fòrça fòrça dificil e, bon… ai pas capitat, francament, non !Per contra, d’ausir los occitanofòns naturals aquò m’ajudèt. Aquò vòl dire que, quand ensenhavi la lenga al collègi, poidiái dire que utilizavi un occitan, un parlar, lo parlar de l’ensenhament. Mès cada còp que parlavi ambe la miá tatà o ambe la maire... La maire, a la fin de sa vida, nautres parlàvem occitan alara que l’aviam pas jamai fach. Aquí aviái consciéncia que ieu parlavi LO patoès, SON patoès. Vaquí. La question es fòrça dificila… A respondre e a solucionar.
– Es que vos es arribat de comprene pas un vièlh ?
– Alara, un vièlh d’aici, non, pas jamai. Aquò m’es totjorn estat aisit d’o far. Quitament uèi quand ausissi totas las resultas de l’operacion Al canton, de l’IOA, aveyron-occitan… Ieu i vau, òc, consulti aquò regularament e aquí me carri e compreni tot, compreni tot. Per contra, quand ausissi qualqu’un que parla gascon, un vièlh que parla gascon, aquò me pot èsser dificil. Un vièlh que parla limosin tanben. Bon, encara que, amb un pauc d’abituda, aquò se fa. Mès un vièlh d’aici, non. Aquel d’aquí lo compreni mès es afectiu. Me sembla qu’ausissi mon oncle. Doncas per ieu, i a pas cap de problèma.
– E per vos, aquò’s una lenga, l’occitan, que pòt crosar las frontièiras ?
– Bon ja i a la Val d’Aran en Espanha, i a las vals in Itàlia, bon aquò crosa las frontièiras mès aquò es natural... Crosar las frontièiras ? Alara i a… Çò que sabi, es que i a de monde que… Los que partiguèron a París, los Avaironeses que migrèron a París, aqueles volguèron conservar la lenga. De còps, la conservèron plan melhor que los qu’èran demorats aicí. Bon, es un crosament de frontièiras ? Sai pas. Bon, l’occitan coma lenga internacionala, non, francament i cresi pas ! Encara que i a de camisetas ont i a escrich : « Perqué aprene l’anglés ? » Enfin me rapèli pas… I a quicòm aital : « Pourquoi se fatiguer à apprendre l’anglais alors qu’on peut apprendre l’occitan ? » Non, crosar las frontièiras…
Alara, per contra, si, i a un exemple. Es un exemple de crosament de frontièira. Quand èri professor a La Barraca, bon, ensajavi de far viure la lenga, en defòra de l’ensenhament estrict. Per que aqueles dròlles poguèsson ausir d’occitan endacòm mai qu’a l’escòla. Doncas, lor faguèri far de teatre. Aquò vòl dire que los faguèri sortir del collègi, per far veire als autres que parlavan la lenga. Pas totes mès qualques-unes. Mès après metèri en plaça – sus un idèia de Patric Cofin a Sent-Africa – metèri en plaça un « intercambi », son los Catalans qu’apèlan aquò un intercambi, un escambi ambe de Catalans. Perque cada còp que ieu vau en Catalonha… Ai d’amics Catalans e, cada còp que vau en Catalonha, ieu parli occitan. Compreni lo catalan, i a pas cap de problèma, lo parli pas perque l’ai quasiment jamai parlat. Per contra cada còp parli occitan e me fau comprene. En parlent doçament, en disent las causas. Per exemple, son d’experiéncias que ai fachas quasiment a cada còp, disiái a un escolan :« Anam far l’experiéncia, dintram dins aquela botiga, parlam occitan, dises : bonjorn, ieu vos parlarai pas catalan, perque… » Cal parlar, d’ont mai ne dises, d’ont melhor es ! Doncas : « Parlarai pas catalan mès soi occitan, soi de Rodés, eca… – A ! occita ? Ens entendrem ! » (Nos comprendrem !) Doncas l’experiéncia valiá lo còp e los dròlles que menèri a Celrà e puèi a Ribes de Freser… Ribes de Freser, dempuèi 2009. Cada annada, faguèrem aquel intercambi, los dròlles recebián de letras dels Catalans. La primièira letra que recebèron, diguèron : « Mès Sénher, aquò’s d’occitan. – A, mès non, non, es de catalan ! » Aquò vòl dire que rapidament… Demoràvem quatre jorns aval, es pas gaire, mès al cap dels jorns seguents, lo tresen, se’n rendián pas compte mès disián : « A, comprenèm ! » Doncas, aquí, perque las lengas son sòrres, son vesinas, aquí l’occitan traversa las frontièiras !
– E vos qu’avètz participat a l’ensenhament en bilingüisme, cossí vesètz l’avenidor de la lenga ?
– L’avenidor de la lenga serà çò que serà. Me pòdi pas projetar, vertadièirament o pòdi pas far. Perque... Qualqu’un… Enfin, ieu pensavi, quand èri jove, que comencèri regent i aviá pas las seccions bilingüas ni tot aquò. L’ensenhament èra un ensenhament facultatiu, bon, entre temps mai o mens mès pas gaire de mai qu’aquò. Doncas qualqu’un m’auriá dich : « I aurà un jorn de seccions bilingüas, seràs professor d’aquela seccion, passaràs 300 o 350 escolans, sus aqueles 300 o 350 escolans, n’i a 20 que vendràn professor dins l’ensenhament. » Auriái pas jogat una pèça ! E puèi es aquò que se faguèt ! Doncas, l’avenidor, francament, non, podèm pas saber. E o podèm pas saber perque l’occitan que los vièlhs parlavan èra reperat dins la societat, pas qu’ambe l’accent, simplament. Uèi crosas un jove qu’es passat dins la seccion bilingüa, pòdes pas imaginar doas segondas qu’aquel d’aquí pòt parlar occitan, quitament s’a l’accent d’endacòm mai. Ieu ai d’escolans que vesi encara perque fan de teatre encara amb ieu, quand parlan francés, òm diriá que son Parisencs e puèi parlan occitan. Doncas aquò… Alara, son pas nombroses, aquò ne cal èsser conscient ! Aquò representa entre 1 e 2 % de la populacion escolara, lo bilingüisme francés-occitan. Mès bon, aquò existís ! Aqueles, transmetràn, transmetràn pas ? Òm pòt pas saber... Parlaràn a lors dròlles ? Benlèu. Los dròlles, los metràn dins una seccion bilingüa ? Aquò si, quasi segur. E après, òm sap pas.
Lo melhor sovenir aquí que me ven en primièr… Aguèri coma ensenhaire… Alara passèri lo CAPES en 99, l’annada del CAPES, me calguèt arrestar conselhièr pedagogic, doncas faguèri de remplaçaments. Per astre, encara un còp, faguèri un remplaçament a la seccion bilingüa de La Primauba. A la debuta de l’annada, « comencèri », se ditz aital, comencèri los que èran a l’escòla mairala en seccion dels grands e dels mejans, los dos, los comencèri, aqueles, e los tornèri trobar, alara en… quand avián 11 ans, doncas 11 ans après, se pòt far lo calcul. Los tornèri trobar en sièisena aqueles. Alara se sovenián pas de ieu mès sabián, perque los parents lor avián dich : « Tornarètz trobar Sénher Andriu ! » E aquí me faguèt plaser de los veire perque los aviái començats, plan modestament, los aviái començats e èran aquí que parlavan e que… E, amb aqueles… Una d’aqueles venguèt professora d’occitan. Es aquela que a presa la seguida de mon pòste a La Barraca de Fraisse : Prescillia Mousson. Aquò es un sovenir ! »
(Transcription d'Alain Clarac, de Figeac (46), le 09/05/2025, dans le cadre de l'atelier de traduction/transcription du Centre culturel occitan du Rouergue)
« C’est un peu long, ça. J’ai été instituteur en Aveyron pendant dix ans, puis conseiller pédagogique pour la musique. Je dis ça parce que c’est un peu différent de l’occitan, il y était alors déjà dedans. Et puis je suis professeur à la retraite depuis cinq ans et j’ai été donc professeur pendant seize ans à Baraqueville.
Je suis né à Toulouse et j’ai des parents aveyronnais c’est-à-dire que les origines, les racines sont d’Aveyron, sont du Rouergue. Ils ont été... enfin... forcés d’arriver à Toulouse à cause du travail. Voilà, j’entendais la langue ici, en Aveyron, surtout, la langue que je connais, c’est celle-là. À Toulouse, on ne l’entendait guère, voilà. Bon, en gros…
– Et la famille, où était-elle en Aveyron ?
– Alors la famille… Tout près de Rodez… Le grand-père, de Luc, le grand-père de mon père, enfin, le père de mon père, paternel donc, et du côté de ma mère, Le Pas, commune de Druelle. Voilà c’est un peu… c’est à côté tout ça.
– Et ça fait que vous avez toujours entendu la langue ?
– Alors… je l’ai toujours entendue. Pas à la maison, proche, les parents ne parlaient plus la langue. À Toulouse ça ne se faisait pas, ni entre eux. Par contre, chaque fois que je venais en vacances ici, j’entendais la langue, dans le village, dans la famille. Les tantes, les oncles, les grands-parents… qui ne nous parlaient pas à nous, les enfants, mais qui parlaient entre eux. Donc ça, oui, je l’ai toujours entendue.
– Et le cheminement pour devenir professeur d’occitan ?
– Ah… bon, c’est un hasard parce que quand j’étais petit, ils disaient, enfin tout le monde disait ça, ils disaient « le patois », donc pour moi ce n’était pas une langue, parce que nous nous ne la parlions pas, nous n’essayions même pas de la parler, ce n'était peut-être pas interdit, mais c’était quelque chose qui était sous-entendu. Nous, ça, ce n’était pas possible pour nous.
Donc, le cheminement, une sorte de… de révélation, si l’on peut dire. Rapidement, quand je suis arrivé en sixième à Toulouse, j’ai commencé à apprendre l’anglais comme tout le monde, et là j’étais content parce que je me disais : « Maintenant, tu sauras parler deux langues. » Et dans ma tête, il y avait… Je pensais en français à l’époque, mais je le dis en occitan maintenant ! Je me disais : « Bon, mais il y a le patois, aussi. Bon, le patois ce n’est pas une langue. » Voilà, pas plus.
Quand j’ai appris l’allemand en quatrième, même chose, et quand je suis arrivé en terminale au lycée Pierre de Fermat à Toulouse, lycée où il n’y avait que des garçons encore à l’époque, quelque chose de classique, encadré, tout ce qu’il faut pour préparer à devenir vétérinaire, ingénieur, etc. Je ne sais pas pourquoi, à un moment, quelqu’un est venu dans la classe pour faire une annonce et il a dit (il l'a dit en français bien sûr) : « Si vous voulez, vous pouvez suivre un cours d’occitan. » Moi, je n’avais jamais entendu le mot « occitan ». Bon, ça ne me disait rien... Le jeudi à cinq ou six heures. En ce temps-là, le jeudi après-midi, nous ne travaillions pas. Je ne sais pas pourquoi, il me fallait aller à la maison puis revenir au lycée à six heures, et là je suis allé au premier cours d’occitan. La révélation ! Ça s’appelle… enfin bon, ne parlons pas de religion mais la révélation parce que là j’ai compris. Je me suis dit : « Sûr, le patois c’est l’occitan. » J’ai compris, je comprenais tout. J’ai appris à lire assez rapidement, à parler aussi… Peut-être pas comme maintenant, c’est sûr… Et puis voilà, j’ai passé le bac… Enfin l’option du bac avec ça, elle m’a rapporté des points, mais enfin bon… Mais là, je me sentais à l'aise.
Puis quand je suis arrivé pour faire l’instituteur ici en Aveyron, une sorte de retour aux origines, là, j’ai rencontré des gens qui parlaient, des jeunes, des vieux et j’ai commencé à parler. Alors j’écorchais un peu la langue mais ça ne fait rien, bon...
J’avais intégré la honte des grands-parents, des oncles, des tantes, mais comme ça me plaisait tellement que voilà. Et puis, je me suis dit, comme enseignant, que la mauvaise connaissance que j’avais, comme je transmettais des choses aux enfants, je ne pouvais pas la faire durer. Et donc, sitôt que j’ai enseigné des choses en histoire, j’ai dit aux enfants : « Ici, il y a une langue, il y a l’occitan. » Et je me rappelle, j’étais à Colombiès, et là il y avait encore des enfants qui baignaient dans l’occitan, ils ne parlaient pas occitan, mais ils y baignaient et là le courant est passé, encore une fois. Donc je leur faisais faire des activités en occitan : du théâtre ou une page du journal scolaire, voilà.
Et puis, une fois conseiller pédagogique pour la musique, j’ai intégré la langue avec les chansons, tout simplement. Et à chaque fois, j’enseignais et j’essayais de faire passer la connaissance de ça. Pour ne pas être dans le cas où je me suis trouvé quand j’étais petit.
Après, j’ai choisi, j’ai choisi de changer de métier, enfin toujours dans l’Éducation Nationale, mais comme il y avait la licence d’occitan, le CAPES d’occitan, je me suis lancé dedans : la licence à Montpellier, le CAPES, bon, c’est un CAPES national. Et, à changer de métier... J’étais conseiller pédagogique, bon, une situation assez bonne et qui me plaisait mais, à changer de métier, je me suis dit : « Il te faut aller en section bilingue. C'est ça qui vaut le coup, développer quelque chose que nous aurions pu développer... Les gens, les enseignants, l'Éducation Nationale auraient pu développer ça : nous faire devenir bilingues. » Et donc voilà, comme il y avait cette opportunité, je me suis dit : « C'est ça qu'il te faut faire. »
Donc, je voulais aller à la section bilingue de Baraqueville qui n'existait pas mais que moi, entre guillemets, j'ai montée, enfin j'ai commencé... la section bilingue a commencé avec moi et j'y suis resté jusqu'à ce que je sois à la retraite. Seize ans, il est là le chemin.
– Et le bilinguisme à l'école, à Saint-Affrique, il avait commencé beaucoup plus tôt ?
– Ah oui, le bilinguisme à Saint-Affrique. Ça a été la première section bilingue d'Aveyron, elle avait déjà commencé.
– Et vous, c'était en quelle année ?
– Alors, j'ai commencé à Baraqueville en 2000. En 2000 exactement. Je savais que ça existait, je savais qu'il y aurait un poste à Baraqueville parce qu'il y avait la première section bilingue de La Primaube. C'est ça que je voulais faire.
– À Saint-Affrique c'était à peu près dix ans avant.
– Exactement, dix ans. Et à Albi aussi.
– À Albi...
– Parce que je me rappelle que, quand j'ai commencé à la section bilingue de Baraqueville, ils fêtaient les dix ans de Saint-Affrique et d'Albi.
– Vous nous avez parlé de « patois », est-ce que vous pouvez nous dire ce que veut dire ce mot « patois » ?
– Alors… « patois ». Là, ce que je dis, ce n'est pas scientifique, c'est mon ressenti à moi et puis un peu de mes connaissances. Alors, à ma connaissance, le mot « patois » n'existe nulle part ailleurs qu'en France. C'est un mot qui a été, pour moi, inventé pour anéantir toutes les langues de France. Parce que, au moment de la Révolution, il fallait – je comprends ça, je comprends la démarche – il fallait que tout le monde comprît (ici il y a un imparfait du subjonctif), il fallait que tout le monde comprît la langue, le français, les lois, et donc il fallait que tout le monde puisse entendre et parler la langue. Au début de la Révolution, les révolutionnaires faisaient les [lois], ils éditaient les [lois] – ça n'a pas duré longtemps – ils publiaient les [lois] dans toutes les langues régionales, tous les parlers disaient-ils. C'était déjà moins grave de dire « parlers » que de dire « patois ». Et à la fin, bon c'est vrai que c'est un peu compliqué, à la fin, ils ont dit : « Non, maintenant c'est le français qui doit s'imposer. » Et pour ça, quelqu'un, il l'a fait exprès ou pas je ne sais pas, mais a il inventé le mot « patois » pour dévaloriser la langue... C'est ça.
Et alors, il y a des gens qui ont pris ça, d'autres moins, d'autres... Par exemple en Bretagne, je pense qu'ils ont gardé le mot « breton », je ne suis pas sûr. En tout cas chez nous ça a fonctionné. Le mot « langue d'oc » était plus ou moins utilisé, il a été longuement utilisé en Provence. Ils l'utilisent encore cependant. Mais après, chez nous « patois, patois, patois » et donc quelqu'un qui parle un « patois » c'est quelqu'un qui ne vaut rien. Ce n'est pas une langue, ce n'est pas une langue et donc... Et c'est là toute la force de la suppression des langues régionales : mettre à l'intérieur de chaque individu le sentiment que ce qu'il dit ne vaut rien et que donc il lui faut l'abandonner. Et donc il ne doit pas le parler, il ne doit pas le transmettre, il ne doit pas le dire aux enfants ! Et Dieu sait que les parents ont fait cet effort...
– Qu'est-ce que ça vous fait quand quelqu'un parle du « patois » et que nous voyons bien que pour eux c'est un mot un peu affectueux ?
– Ça c'est vrai. Quand j'étais jeune, que je me suis lancé dans l'occitan, j'étais un peu dur, un peu sectaire donc, chaque fois que quelqu'un disait « patois », moi, je rectifiais, je disais : « Non ! » Je disais : « Il faut dire occitan ! » Et puis de nos jours ça ne me fait plus rien et je peux dire je suis devenu professeur d'occitan, mais vous savez, si, professeur de « patois ! » Ainsi l'affectivité y est encore. Maintenant je la prends en compte.
– Nous voyons des gens qui disent : « Nous, nous parlons patois et, vous, vous parlez l'occitan. » Est-ce que vous pensez que, pour eux, selon leur point de vue, l'occitan est devenu une langue, un peu, d'intellectuels ?
– Oui, je pense, absolument ! Ma tante disait ça : « Oh, nous , nous parlons patois, et puis, tu sais, nous ne savons pas trop ce que nous parlons ! » Elle avait bien intégré l'idée de « patois ». « Mais toi, tu parles occitan ! » Et j'entendais une différence. Les gens entendent la différence. Ils pensent ça, exactement.
Alors ça a été une sorte de lutte, pour moi. De dire : « Qu'est-ce qui fait la différence ? Qu'est-ce qui fait que, nous, qui disons que nous parlons occitan, qui avons reconquis la langue, comment il se fait-il qu'il y ait cette différence ? Comment, nous, pouvons-nous dire : mais non, c'est une continuation et nous continuons à parler patois avec toute l'affectivité ? » Ça, c'est très très difficile et bon... je n'ai pas réussi, franchement non ! Par contre, d'entendre les occitanophones naturels, ça m'a aidé. Ça veut dire que quand j'ai enseigné la langue au collège, je pouvais dire que j'utilisais un occitan, un parler, le parler de l'enseignement. Mais chaque fois que je parlais avec ma tante ou avec ma mère... Avec ma mère, à la fin de sa vie, nous parlions en occitan alors que nous ne l'avions jamais fait. Là, j'avais conscience que je parlais LE patois, SON patois. Voilà. La question est très difficile... À répondre et à résoudre.
– Est-ce qu'il vous est arrivé de ne pas comprendre un vieux ?
– Alors, un vieux d'ici non, jamais. Ça m'a toujours été facile à faire. Même aujourd'hui quand j'entends tous les résultats de l'opération Al canton, de l'IOA, aveyron-occitan... Moi j'y vais, oui, je consulte ça régulièrement et là je me régale et je comprends tout, je comprends tout. Par contre, quand j'entends quelqu'un qui parle gascon, un vieux qui parle gascon ça peut m'être difficile. Un vieux qui parle limousin aussi. Bon, encore que, avec un peu d'habitude ça se fait. Mais un vieux d'ici, non. Celui là, je le comprends, mais c'est affectif. Il me semble que j'entends mon oncle. Donc pour moi il n'y a aucun problème.
– Et pour vous c'est une langue, l'occitan, qui peut franchir les frontières ?
– Bon déjà il y a le Val d'Aran en Espagne et les vallées en Italie, bon ça franchit les frontières mais c'est naturel... Franchir les frontières ? Alors il y a... Ce que je sais c'est qu'il y a des gens qui... Ceux qui sont partis à Paris, les Aveyronnais qui ont émigré à Paris, ceux-là ont voulu conserver la langue. Des fois, ils l'ont conservée bien mieux que ceux qui étaient restés ici. Bon, est-ce un franchissement de frontière, je ne sais pas ? Bon... l'occitan comme langue internationale, non, franchement je n'y crois pas. Encore qu'il y ait des T-shirts où il y a écrit « Pourquoi apprendre l'anglais ? » Enfin je ne me souviens pas... Quelque chose comme : « Pourquoi se fatiguer à apprendre l'anglais alors qu'on peut apprendre l'occitan ? » Non, traverser les frontières...
Alors, par contre, si, il y a un exemple. C'est un exemple de passage de frontière. Quand j'étais professeur à Baraqueville, bon, j'essayais de faire vivre la langue en dehors de l'enseignement strict. De sorte que ces enfants puissent entendre l'occitan ailleurs qu'à l'école. Donc je leur ai fait faire du théâtre. Ça veut dire que je les ai fait sortir du collège pour faire voir aux autres qu'ils parlaient la langue. Pas tous mais quelques-uns. Mais après, j'ai mis en place – sur une idée de Patrick Couffin à Saint-Affrique – j'ai mis en place un « intercambi », ce sont les Catalans qui l'appellent ainsi « intercambi », c'est un échange avec des Catalans. Parce que chaque fois que je vais en Catalogne... J'ai des amis Catalans et, chaque fois que je vais en Catalogne, je parle occitan. Je comprends le catalan, il n'y a pas de problèmes... Je ne le parle pas parce que je ne l'ai quasiment jamais parlé. Par contre, chaque fois je parle occitan et je me fais comprendre... En parlant doucement, en disant les choses. Par exemple, ce sont des expériences que j'ai faites quasiment chaque fois, je disais à un élève : « Nous allons faire l'expérience, nous entrons dans cette boutique, nous parlons occitan, tu dis : bonjour, moi je ne vous parlerai pas catalan parce que... ». Il faut parler, plus vous en dites, mieux c'est ! Donc : « Je ne vous parlerai pas catalan mais je suis Occitan, je suis de Rodez, etc. – Ah ! Occitan ! Ems entendrem ! » (Nous nous comprendrons !) Voilà. Donc l'expérience valait le coup et les enfants que j'ai accompagnés à Celrà et puis à Ribes de Freser... Ribes de Freser depuis 2009. Chaque année nous avons fait cet « intercambi », les enfants recevaient des lettres des Catalans... La première lettre qu'ils ont reçue ils ont dit : « Mais Monsieur, c'est de l'occitan. – Ah, mais non, non, c'est du catalan ! » Ça veut dire que rapidement... Nous restions quatre jours là-bas, ce n'est pas beaucoup mais, au bout du jour suivant, le troisième, ils ne s'en rendaient pas compte mais ils disaient : « Ah, nous comprenons ! ». Donc, là, parce que les langues sont sœurs, elles sont voisines, là l'occitan franchit les frontières !
– Et vous qui avez participé à l'enseignement, au bilinguisme, comment voyez-vous l'avenir de la langue ?
– L'avenir de la langue sera ce qu'il sera. Je ne peux pas me projeter, vraiment je ne peux pas le faire. Parce que... Quelqu'un... Enfin je pensais quand j'étais jeune, quand j'ai commencé comme instituteur, il n'y avait pas les sections bilingues ni tout ça. L'enseignement était un enseignement facultatif, bon, entre temps plus ou moins, mais beaucoup plus que ça. Donc quelqu'un m'aurait dit : « Il y aura un jour des sections bilingues, tu seras professeur d'une de ces sections, tu passeras trois cents ou trois cent cinquante élèves, sur ces trois cents, trois cent cinquante élèves, il y en aura vingt qui deviendront professeurs dans l'enseignement. » Je n'aurais pas joué un sou ! Et puis c'est ça qui s'est fait ! Donc, l'avenir, non, franchement nous ne pouvons pas savoir ! Et nous ne pouvons pas savoir, parce que l'occitan que les vieux parlaient était repéré dans la société, rien qu'avec l'accent, tout simplement. Aujourd'hui, tu croises un jeune qui est passé dans la section bilingue, tu ne peux pas imaginer deux secondes que celui-là peut parler occitan, même s'il a l'accent d'ailleurs. Moi, j'ai des élèves que je vois encore parce qu'ils font du théâtre encore avec moi, quand ils parlent français, on dirait qu'ils sont Parisiens et puis ils parlent occitan. Donc ça... Alors, ils ne sont pas nombreux, il faut en être conscient ! Ça représente entre un et deux pour cent de la population scolaire, le bilinguisme français-occitan. Mais bon, ça existe ! Ceux-là, ils transmettront, ils ne transmettront pas ? On ne peut pas savoir... Ils parleront à leurs enfants ? Peut-être. Ils mettront leurs enfants dans une section bilingue ? Ça oui, c'est presque sûr. Et après, on ne sait pas.
Le meilleur souvenir qui me revient, en premier... J'ai eu comme enseignant... Alors j'ai passé le CAPES en 99, l'année du CAPES, il m'a fallu arrêter d'être conseiller pédagogique, donc j'ai fait des remplacements. Par chance, encore une fois, j'ai fait un remplacement à la section bilingue de La Primaube. Au début de l'année, j'ai « commencé », on dit comme ça, j'ai commencé ceux qui étaient à l'école maternelle en section des grands et des moyens, les deux, je les ai commencés, et je les ai retrouvés, alors en... quand ils avaient onze ans, donc onze ans après. Je les ai retrouvés en sixième. Alors, ils ne se souvenaient pas de moi, mais ils savaient, parce que leurs parents leur avaient dit : « Vous allez retrouver Monsieur Andrieu ! » Et ça m'a fait plaisir de les voir parce que je les avais commencés, bien modestement, je les avais commencés et ils étaient là qui parlaient et qui... Et avec ceux-là... L'une d'entre-eux est devenue professeure d'occitan et c'est elle qui a pris la suite de mon poste à Baraqueville. Prescillia Mousson. Ça c'est un souvenir ! »
(Traduction d'Alain Clarac, de Figeac (46), le 01/05/2025, dans le cadre de l'atelier de traduction du Centre culturel occitan du Rouergue)