Lo volur d'a-z-Alpuèg

« S’apelava Joan-Pèire de Boisson. Èra nascut a-z-Alpuèg. Aquò èra un òme ordinari, se lo(g)ava.
Quand èra enfant, un vesin aviá estendut un parelh de debaces de femna, ne tapèt un e lo portèt a sa maire. E sa maire li di(gu)èt :
“Les te caliá portar totes dos…”
Alara anèt cercar l’altre. Aquò’s aital que comencèt d’èstre volur.
Aviá una cabana al ras de La Vaissa de Vitrac, dins lo bòsc, dins la comuna d’Alpuèg. Aviá totjorn lo fusilh. Èra fòrt e degús lo voliá pas atacar.
Un còp, s’evadèt de la prison de París e tornèt a-z-Alpuèg.
Panava als riches per donar als paures.
Lor disiá :
“Portaràs dos mila francs a tala crotz, se les pòrtas pas, te fòte fuòc a l’ostau !”
Lo tuèron a La Tarrissa e lo portèron amb un carri e de buòus per l’enterrar a-z-Alpuèg.
Avián dich que, lo que lo trobava, l’enfant de la familha fariá pas lo servici militari. »