Morir dins la nèu

« [A Panhas] i èrem quatre ostaus abitats e pièi i aviá dos vièlhs que parti(gu)èron en 32 ches una filha devàs Severac enlai. I aviá un enfant ambe eles mès èra mòrt dins la nèu en 29, un jorn en venguent d'una fièira de La Canorga. Ecirava, lo mes de febriá. Èra montat presque jusca Trelans mès pas d'a fèt. Trobèron lo capèl emtremièg Trelans e Noblós que i a dos quilòmèstres, crese, dins aquel tornent en "s" que i aviá las trèvas. Se tornèt virar, sai pas, quand agèt perdut lo capèl, lo freg… Enfin anèt ben a Noblós dins un ostau que coneissiá, solament anèt a-z-una pòrta de pel detràs que lo monde entendèron pas que picava e lo trobèron mòrt aquí lo matin.
Aquò fa qu'apièi demorava pas que tres ostaus. »